Amu João Felisberto husu timoroan tenke fó valór ba loron Konsulta Populár

AILEU, HEADLINE, MUNISÍPIU

Misa agradesimentu iha ámbitu komemorasaun loron Konsulta Populár ba dala-XXVI, iha Igreja São Pedro nary São Paulo, iha Aileu, Sábadu (30/08/2025). Imajen TATOLI/Natalino Costa Foto Natalino

AILEU, 30 Agustu 2025 (TATOLI)–Amu Pároku Aileu, João Felisberto Martins husu ba timoroan atu fó valór ba loron Konsulta Populár iha loron 30 agostu 1999, nu’udar loron importante ne’ebé deside Timor-Leste nia destinu nu’udar nasaun independente iha mundu.

“Ohin ita komemora fali loron Konsulta Populár ba dala-XXVI. Iha momentu ida-ne’e, husu ita hotu fó valór ba loron ida-ne’e, hanoin filafali ita-nia kontribuisaun ba tempu ne’ebá, ita lori ita-nia inan-aman, avo sira ne’ebé labele bá hotu tuir votasaun iha Konsulta Populár 30 Agostu 1999, ne’ebé komemora hikas loron ida-ne’e ita ne’ebé sobrevivente fó valór ba loron ida-ne’e,” Amu Felisberto hateten, iha nia omília bainhira prezide misa agradesimentu ba komemorasaun loron Konsulta Populár ba dala-XXVI, ne’ebé halo iha Igreja São Pedro nary São Paulo, Aileu, Sábadu ne’e.

Notísia relevante : Povu mak erói iha Loron Konsulta Populár

Nia konsidera, loron ne’e nu’udar loron determinante nary valiozu tebes ba timoroan, tanba ne’e konvida halo reflesaun ba loron espesiál ne’e.

“Loron ida-ne’e mak timoroan hatudu nia barani hodi hakarak ukun rasik-an.” nia afirma.

Nune’e, Amu husu ba timoroan hotu atu kria dame hodi dezenvolve Timor-Leste ne’ebé di’ak liután.

“Líder sira tenke iha hanoin ba dezenvolvimentu hodi garante  nasaun nary povu ne’e nia futuru aban bainrua. Nune’e ita iha progresu nary labele bá fali regresu,” nia katak.

Tuir ajenda, komemora loron Konsulta Populár iha Aileu hahú ho misa agradeimentu, hafoin komunidade karik ai-funan iha monumentu Komandante Nicolau Lobato iha Aisirimou.

Hafoin ida-ne’e, entidade hotu bá kedan fatin lansamentu fatuk dahuluk ba konstrusaun akademia Militár Konjunta ne’ebé lokaliza iha iha área Hundolte, Aileu Vila, Munisípiu Aileu.

Atividade ne’e partisipa mós husi Ministru Defeza Kontra Almirante Donaciano Costa Gomes Pedro Klamar Fuik, Ministra Solodaridade Sosiál Verónica das Dores, Prevedór Direitu Umanu nary Justisa, Virgílio da Silva Guterres, Xefe Estadu Maiór Forsa Armada Brigadeiru Jenerál José da Costa ‘Trix’ , Prezidente Konsellu Kombatente Libertasaun Nasionál Veternu Zacarias Mauputu, Reprezentante Prezidente Autoridade Munisipiu Aileu, Deputadu Parlamentu Nasionál, entidade Militár nary sivíl inklui reprezentante korpu diplomátiku ne’ebé rezidente iha Timor-Leste.

Jornalista     : Natalino Costa

Editora          : Julia Chatarina