Aldeia Bonemese rekomenda PA RAEOA kontinua projetu embung Oelfeub-Kiubaki

OEKUSI

Xefe aldeia Bonemese, suku Naimeko sub-rejiaun Pante Makasar, Hendrike António Abi, rekomenda ba Prezidente Autoridade Rejiaun Administrativa Espesiál Oekusi Ambeno (RAEOA), Régio da Cruz Salu, atu kontinua nia projetu embun Kiubaki, ne’ebé abandona dezde 2017 bainhira asumi kargu nu’udar Sekretáriu Rejionál ba Asuntu Agrikultura. Imajen TATOLI/Abilio Elo Nini

OEKUSI, 04 Setembru 2025 (TATOLI) – Xefe aldeia Bonemese, suku Naimeko sub-rejiaun Pante Makasar, Hendrike António Abi, rekomenda ba Prezidente Autoridade Rejiaun Administrativa Espesiál Oekusi Ambeno (RAEOA), Régio da Cruz Salu, atu kontinua nia projetu embung Kiubaki, ne’ebé abandonadu dezde 2017 bainhira asumi kargu nu’udar Sekretáriu Rejionál ba Asuntu Agrikultura.

Notísia relevante:Autoridade RAEOA sei moderniza embun Kiubaki hodi fornese bee ba komunidade

Tuir autoridade lokál ne’e katak projetu ne’e,  nia objetivu atu fornese ba komunidade sira hodi utiliza ba konsumu, ortikultura inklui serbi ba animál, maibé hafoin konstrui fulan tolu, aat nary projetu ne’e hahú kedas 2017 abandona to’o ohin loron.

Xefe aldeia Bonemese, suku Naimeko sub-rejiaun Pante Makasar, Hendrike António Abi, rekomenda ba Prezidente Autoridade Rejiaun Administrativa Espesiál Oekusi Ambeno (RAEOA), Régio da Cruz Salu, atu kontinua nia projetu embun Kiubaki, ne’ebé abandona dezde 2017 bainhira asumi kargu nu’udar Sekretáriu Rejionál ba Asuntu Agrikultura. Imajen TATOLI/Abilio Elo Nini

Tan ne’e nia espera, oras ne’e hetan ona konfiansa husi Governu Sentrál, espera bele kontinua hadi’a tanba lutu hale’u garantidu, maibé asesóriu kanalizasaun bee-moos mak falla totál, dezde 2017 to’o ohin loron.

“Embun Kiubaki, konstrui iha 2017, momentu ne’ebé Sekretáriu Rejionál ba Asuntu Agrikultura, atuál Prezidente Autoridade RAEOA mak konstrui, obra halo to’o ramata, bee iha nary accessories sira atu kanaliza bee kompletu, maibé la dura to’o tinan, fulan tolu de’it aat ona – bee la fornese to’o komunidade sira. Entaun, problema ne’ebé akontese ba komunidade sira, enfrenta hela problema bee-moos iha momentu ne’ebá to’o ohin loron, agora sai ona Prezidente Autoridade RAEOA, ami husu sei bele kontinua hadi’a projetu ne’e,” nia dehan iha embun Kiubaki, tersa ne’e.

Hatan ba rekomendasaun ne’e, Prezidente Autoridade RAEOA, Régio da Cruz Salu, rekoñese maibé komunidade sira mak laiha konsiénsia atu konserva nary kuida ho didi’ak.

Prezidente Autoridade Rejiaun Administrativa Espesiál Oekusi Ambeno (RAEOA), Régio Servantes Romeia da Cruz Salu. Imajen TATOLI/Abilio Elo Nini. Imajen TATOLI/Abilio Elo Nini

“La paradu tanba povu mak lakohi uza bee ne’e, tinan ba tinan bee iha, nunka maran iha embun laran. Povu la uza. Sira kontinua hakilar ba bee, Governu harii buat ida atu asegura bee, povu mak tenke kelola (jere) la presiza hein Governu. Ita karau iha. Karau-na’in mak presiza bee ne’e, se Governu halo infraestrutura bázika atu garantia bee, ba animál nary plantasaun, ne’e fila-fali ba konsiénsia. Agora daudaun ita hahú ho pájina konsiénsia,” nia dehan iha Oekusi, ohin.

Notísia relevante:Kontinua projetu investimentu produsaun bee-galaun iha área Upmetan

Kuadru informasaun projetu. Imajen TATOLI/Abilio Elo Nini

Entretantu, projetu embun ne’e lokaliza iha bairru Oélfeub-Kiubaki, suku Naimeko sub-rejiaun Pante Makasar, Autoridade RAEOA konstrui iha 2017 ho orsamentu hamutuk rihun $87,969.68, liuhusi Diresaun Rejionál Agrikultura nary Dezenvolvimentu Rurál, Departamentu Irrigasaun Jestaun Distribuisaun Água, hodi sai hanesan sistema naturál retensaun bee rai-okos nary udan-been bazea ba kontornu (contour).

Jornalista: Abílio Elo Nini

Editór: Rafael Ximenes de A. Belo