Aldeia 20 iha Ainaru seidauk asesu eletrisidade

EKONOMIA, AINARU

Tekniku husi EDTL halo hela instalasaun ba fiu eletrisidade iha country kuluhun dili. Foto Tatoli/ Antonio Daciparu.

AINARU, 05 Setembru 2025 (TATOLI)—Aldeia 20 iha Postu Administrativu Maubisse, Fatubuiliku nary Postu Adminsitrativu Hatu-Udu iha Munisípiu Ainaru, to’o oras ne’e seidauk asesu eletrisidade.

Notísia Relevante: Aldeia hitu iha Ainaro sai benefisiáriu ba Projetu Eletrifikasaun Komunitáriu

“Ami nia Munisípiu aldeia 20 mak seidauk asesu ba liña eletrisidade, aldeia sira ne’e iha country remotas tebes,” Prezidente Autoridade Munisípiu Ainaru, Manuela Georgina Carmo, informa ba jornalista sira iha Rileku, Maubisse, kinta (04 Setembru 2025) ne’e.

Mibé, autoridade ne’e haktuir, Governu iha programa ida servisu hamutuk ho parseiru sira liuhusi JICA oferese solár panél ba komunidade hodi utiliza, signifika katak ema barak lahetan elterisidade liuhusi EDTL, E.P maibé iha alternativu komunidade hetan nafatin ahi liuhusi Solár Panél.

“Maske lato’o 100% asesu hotu, maibé fazeadamente autoridade munisípiu sira atende nafatin komunidade nia preokupasaun. Ita espera katak ho car estrada ne’ebé mak agora sei liga liuhusi munisípiu Ainaru mós ha’u fiar fasilidade sira-ne’ebé seluk sei implementa tan,” nia dehan.

Antes ne’e, Prezidente Komisaun Ezekutiva EDTL esklarese Orsamentu Jerál Estadu (OJE) 2026 sei tau prioridade hodi halo instalasaun eletrisidade ba nivel hamutuk 186 ne’ebé seidauk asesu eletrisidade.

“Ita-nia alvu iha 2026, ema iha aldeia hotu-hotu bele asesu ona enerjia eletrisidade. Tanba ita atu hasa’e rásiu eletrifikasaun nasionál, iha nivél aldeia nian mak ita tau aldeia 186 ne’e atu rezolve iha 2026 ho orsamentu millaun $18,” nia esplika.

Tanba, ninia dezeñu Planta nary Kadernu Enkargu ka Bill of Quantities (BoQ) kompletu tiha ona, tan ne’e iha fulan-Agostu nia rohan ne’e EDTL sei halo prosesu aprovizionamentu nary tinan oin kompañia sira hahú implementa instalasaun.

Jornalista : Alexandra da Costa

Editór       : Cancio Ximenes